Aparcamento gratis polas túas compras no Outlet Área Central. Consulta condicións da promoción.

No outlet Área Central contas con todo a un paso. Tanto se queres mercar nos nosos outlets, desfrutar da nosa oferta de ocio e restauración, facerte un peiteado novo, consultar servizos informáticos, visitar a túa asesoría, facer a túa compra da semana ou pasar a tarde no ximnasio, podelo facer sen saír do noso centro comercial de Santiago de Compostela.

Se te dirixes en coche ata aquí, Área Central conta nas súas inmediacións con moitas rúas onde poder deixar o teu coche. Ademais, no propio edificio contas cun aparcamento privado, xestionado pola empresa Empark.

Para facilitar o aparcamento aos nosos clientes, o outlet Área Central e Empark teñen en marcha un acordo a través do cal os establecementos comerciais adheridos a el agasallan aos seus clientes cunha hora de parking gratis se realizan un gasto superior a 15 euros.

Ademais, os usuarios do ximnasio Dreamfit dispoñen de dúas horas de parking gratis.

En que consiste a promoción?

Trátase dun esforzo extra que realizan os establecementos para que ti, o seu cliente, non abones de máis á hora de retirar o teu vehículo do parking. O xeito de proceder dos clientes pode ser de dous xeitos en función do establecemento. A continuación, explicamos como facer:

COMERCIOS ADHERIDOS AO ACORDO (agás hipermercado Alcampo e Dreamfit)

Se realizas un gasto que supere os 15 euros, o comerciante entregarache un vale que corresponde a unha hora gratis de estacionamento no parking de Área Central.

Os establecementos de Área Central adheridos a esta promoción dispoñen nalgún punto visible do seu negocio dunha pegatina alusiva a esta campaña. A continuación, aclaramos varios puntos:

• Aínda que o gasto que realices nunha única compra sexa moito maior aos 15 euros, recibirás só un vale dunha hora de estacionamento gratuíto.
• As horas gratis dos vales de parking son acumulables, polo que se estás no parking dúas horas, podes empregar dous vales para poder descontalas.
• A data de caducidade para poder empregar o vale que recibes figura nunha das súas caras. Polo tanto, ese vale pode empregarse calquera día antes de que caduque, non obrigatoriamente o mesmo día de telo recibido.
• Á hora de realizar o pago na máquina do aparcadoiro, debes introducir primeiramente o tícket que recibes ao entrar no parking. A continuación, na pantalla aparecerá a cantidade que hai que abonar. Nese intre, deberás introducir o vale ou vales dunha hora de parking gratis e a máquina encargarase de calcular canto tes que abonar no caso de que se superase a hora ou horas de estacionamento gratuíto.

CLIENTES DO HIPERMERCADO ALCAMPO E XIMNASIO DREAMFIT

En caso de realizar a compra no hipermercado Alcampo, o desconto dunha hora gratis estará vinculado a un ticket de parking e a unha compra superior a 15 euros, independentemente de que a compra supere moito ese importe ou se dispoñan de máis tickets de compra. Para iso, debes achegarte ao seu posto de información cos dous tickets (da compra e do parking) onde che validarán o ticket e farán o desconto directamente no propio ticket de parking. Polo tanto, desfrutarás do desconto ese mesmo día. Antes de saír do parking, debes introducir ese ticket validado nos caixeiros automáticos do parking. Feito isto, xa te podes dirixir á saída co teu coche.

Se es usuario do ximnasio Dreamfit, o teu abono ao ximnasio inclúe dúas horas de parking gratis en cada visita que fagas. Para desfrutar desa gratuitade de parking de dúas horas, antes de abandonar o ximnasio, debes pasar o teu ticket de parking pola máquina validadora que teñen no mostrador da súa entrada. A continuación, antes de saír do parking, debes introducir o ticket validado nos caixeiros automáticos do parking. Se superaches o período gratuíto de 2 horas, deberás abonar o importe correspondente que che marque o caixeiro automático. Feito isto, xa te podes dirixir á saída co teu coche.

Se un usuario do ximnasio Dreamfit valida o seu ticket na validadora do ximnasio e despois acude ao hipermercado Alcampo e realiza unha compra superior a 15 euros, ten dereito a recibir igualmente un vale dunha hora de parking gratis. Para iso, debe acudir ao posto de información do hipermercado e lles entregarán un vale que corresponde a esa hora de parking gratis. O mesmo ocurrirá se primeiro valida o ticket en Alcampo e despois vai ao ximnasio: en recepción do ximnasio daranlle dous vales correspondentes a dúas horas de parking gratis.

Ante calquera dúbida sobre esta cuestión podedes falar con nós a través das nosas redes sociais ou no email administracion@areacentral.es.