Se queres que o teu comercio inicie a súa andadura no noso espazo comercial; se estás buscando un cambio ou simplemente unha nova situación xeográfica, estás de sorte: abrir o teu negocio connosco ten moitas vantaxes!
Sitúate na capital galega a uns prezos asumibles
Ante as subidas dos alugueres, en Área Central temos uns prezos asumibles para aqueles que soñan con dispor do seu local na capital galega. Poñemos á túa disposición unha gran variedade de locais de distintos tamaños que xa están preparados e acondicionados para o teu negocio: hostalaría, tendas, oficinas… Ti escolles!
Conéctate co centro da cidade de Compostela
O noso espazo está excelentemente conectado co centro da cidade de Compostela. En Área Central dispoñemos dunha parada de autobús pola que pasan varias liñas de transporte urbano: C2, C4, C5, C6, C9 e C11. E ademais, diante do noso edificio tamén contamos cunha ampla parada de taxis.
Se prefires acercarte no teu coche, en Área Central temos un aparcadoiro para facilitar o estacionamento. Ademais, por realizar un gasto superior a 15 euros nos establecementos adheridos tes unha hora de aparcadoiro gratuíto. Vir aquí é moi doado!
Escolle un lugar con movemento
En Área Central sempre estamos pensado en novas propostas que atraian a maior cantidade de xente posible á nosa rúa comercial cuberta: feiras e mercados, exhibicións deportivas, convencións, actividades lúdicas para os cativos…
Ademais disto, o barrio de Fontiñas é un dos máis poboados de Santiago, polo que, escollendo un dos nosos locais estarás achegándote a un gran número de clientes potenciais. Non é iso o ideal para emprender?
Sitúate preto de firmas de éxito
O pequeno comercio é unha parte fundamental do noso espazo comercial, e por iso, sempre é benvido. Pero ademais, nos nosos corredores contamos con grandes firmas de éxito e renome que atraen a un gran número de clientela. Verás que os seus clientes, poden ser os mesmos ca os teus!
Se queres situarte aquí, é o momento de que nos chames para pedir máis información: estaremos encantados de recibirte no noso espazo comercial e de ver como medran as túas vendas! Podes facernos todas as túas preguntas nos teléfonos 630.82.19.37, 616.21.33.59 e no 981.56.08.45 ou no mail comercializacion@areacentral.es. En Área Central hai espazo para o teu negocio!