Como levamos anunciando nas últimas semanas, o noso centro comercial Área Central amplía esta semana a súa oferta comercial en moda e, en especial, no comercio outlet coa apertura do outlet de Scalpers. Este, que é o primeiro que abre a cadea no norte de España, xa está a funcionar na esquina amarela de Área Central. A que esperas para visitalo?
Xa podes visitar Scalpers Outlet en Área Central
Scalpers, unha recoñecida marca de roupa de home e muller abriu o seu primeiro outlet do norte de España e elixiu Área Central para facelo. Esta tenda de moda abriu as súas portas cunha ampla gama de produtos para home e muller no seu local de 125 metros cadrados situado na esquina amarela de Área Central. Coa súa orixe en España, a marca conquistou a un público esixente grazas ao seu estilo único e sofisticado e o seu compromiso coa calidade en cada unha das súas pezas. Visítaa de luns a sábado en horario de 10:00 a 21:00 horas!
Scalpers súmase aos outros locais outlets xa presentes en Área Central
Área Central consolídase así como un centro comercial outlet! No último mes, ademais da apertura de hoxe de Scalpers, a zapatería multimarca Zabba tamén optou por Área Central para abrir o seu primeiro outlet. Estas dúas marcas uníronse aos xa presentes no noso centro comercial de Santiago como Bimba e Lola Outlet, Purificación García Outlet, Fifty, Ramón Sanjurjo Outlet, Seijas Outlet e o outlet multimarca de Lolita Moda, entre outros.
Con esta oferta comercial, Área Central é xa un punto de referencia para as compras outlet de Galicia polas súas marcas e a súa localización (a menos dunha hora de todas as cidades de Galicia), e aínda hai que engadir as aperturas previstas nos próximos meses no ámbito do lecer e a restauración.
Área Central comeza a prepararse para as próximas aperturas
No noso centro comercial non paramos de traer novidades. Unha das próximas incorporacións en restauración este ano será Amasarte, un establecemento que ofrecerá servizo de cafetería e produtos de panadería, pastelería e comida para levar. Outra novidade será a chegada de Lola&Lía, un espazo que ofrecerá aos seus clientes unha experiencia única cos seus servizos de almorzo, brunchs, comidas e merendas.
Este dinamismo complétase coa incorporación do ximnasio Dreamfit, que abrirá en Área Central no mes de setembro e que ocupará unha superficie de 3.500 metros cadrados. Será o primeiro en Galicia desta cadea, considerada no sector como a cadea número 1 de ximnasios de España pola súa calidade e profesionalidade.
Sen dúbida, este crecemento supón para Área Central unha nova vida que transformará a experiencia de visita dos nosos clientes e converteraa nun centro de compras e esparexemento único en Galicia.