No Outlet Área Central sabemos canto desfrutas indo de tapas coas túas amizades. Por iso, do 6 ao 24 de maio celebramos “O Paseo do Tapeo”, unha ruta gastronómica que te convida a descubrir a mellor oferta de tapas de Área Central a través dunha experiencia participativa e con agasallos.
Nestas datas, poderás gozar dun percorrido polos locais de restauración do teu Outlet de Santiago, onde te agardan 15 tapas elaboradas en 9 establecementos. Cada proposta terá un prezo único de 3,50 euros e estarán dispoñibles nos horarios establecidos por cada local, permitindo organizar o tapeo en diferentes momentos do día.
Como funciona “O Paseo do Tapeo” en Área Central?
“O Paseo do Tapeo” combina a valoración do público cunha evaliación profesional.
Por unha banda, un xurado profesional formado por persoas relacionadas coa gastronomía analizará aspectos como o sabor, a presentación e a orixinalidade das tapas.
Por outra, as votacións da clientela como ti permitirán escoller a tapa máis popular do concurso.
Solicita o teu Pasaporte do Sabor
Para participar nesta ruta de tapas en Santiago, só é necesario que solicites o Pasaporte do Sabor en calquera dos locais participantes. A dinámica é sinxela: proba, sela e vota.
Para participar:
- Proba as tapas dispoñibles nos diferentes establecementos
- Sela o pasaporte en cada local visitado (alomenos 6 para que os teus votos sexan válidos)
- Puntúa as tapas do 1 ao 10
- Deposita o pasaporte na urna habilitada nos nosos corredores
Deste xeito, convérteste nun dos protagonistas do evento, formando parte do xurado popular que decidirá cal é a tapa máis valorada.
Sorteo de premios entre a clientela
Ademais de gozar da experiencia gastronómica, participar nesta ruta de tapas en Área Central ten premio. Se entregas o teu Pasaporte do Sabor na urna ubicada no noso corredor, con alomenos 6 tapas seladas, entrarás nun sorteo de 3 vales regalo de 100€ para gastar no Outlet Área Central. Consulta aquí as bases legais completas do sorteo.
Daremos a coñecer os resultados do concurso o 29 de maio a través das nosas canles oficiais.
Establecementos participantes
Consulta aquí o listado dos 9 locais que participan e os horarios para probar as súas tapas.
O teu plan gastronómico
Se buscas que facer en Santiago en maio, esta ruta de tapas é unha oportunidade perfecta para combinar ocio, gastronomía e premios nun mesmo plan.
Lembra que podes estar ao tanto de todas as actividades do Outlet Área Central na sección Eventos desta mesma web. E se non queres perderte nada de Área Central, séguenos en Instagram e Facebook.