O Outlet Área Central convértese o vindeiro 11 de abril nun gran punto de encontro para a creatividade coa celebración do Mercado da Arte, un evento que reunirá a máis de 80 artistas e creadoras/es de toda Galicia e doutros puntos do panorama nacional.
Durante toda a xornada, en horario de 11:00 a 20:30 horas, Área Central acollerá unha proposta cultural e comercial diferente, apostando polo talento emerxente e pola artesanía contemporánea nun espazo pensado para o lecer e as compras.
Un escaparate de talento e creación
O Mercado da Arte, organizado por No todo el pescado está vendido, transformará o teu Outlet de Santiago nun auténtico percorrido creativo. O público poderá descubrir e adquirir pezas únicas de:
- Ilustración
- Pintura
- Cerámica
- Orfebrería
- Téxtil
Cada expositor presenta traballos orixinais, feitos de maneira artesanal e con identidade propia, ofrecendo unha alternativa diferente ao consumo habitual e poñendo en valor o feito a man.
Programación para todos os públicos
Ademais da zona expositiva, Área Central acollerá unha programación variada ao longo do día, pensada para todos os públicos:
- Música en directo, da man de Paco Nogueiras ás 12:30h.
- Presentación literaria do libro “Las amigas del espejo” de Alejandro López ás 16:30h.
- Propostas musicais singulares, como a actuación do Modulador das Ondas ás 18:00h.
- Obradoiros creativos, onde as persoas asistentes poderán experimentar coas distintas disciplinas artísticas.
Área Central, punto de encontro coa cultura
Con esta iniciativa, Área Central reforza o seu compromiso co apoio ao talento local e á cultura, ofrecendo un espazo onde artistas e público poden conectarse directamente. O Mercado da Arte convértese así nunha oportunidade perfecta para descubrir novas propostas creativas, coñecer as historias detrás de cada peza e levar para casa algo único.
📍 Lugar: Área Central, Santiago de Compostela
📅 Data: 11 de abril
🕒 Horario: de 11:00 a 20:30
Un plan diferente para desfrutar da arte, apoiar a creación e vivir unha xornada chea de inspiración no corazón de Santiago.
Lembra que podes estar ao tanto de todas as actividades do Outlet Área Central na sección Eventos desta mesma web. E se non queres perderte nada de Área Central, síguenos en Instagram e Facebook.