O comercio de proximidade de Area Central vén de poñer en marcha, coa colaboración da Dirección Xeral de Comercio e Consumo da Xunta de Galicia, unha iniciativa na que premiará as compras superiores a 15 euros cun desconto do 50 % na entrada á pista de xeo instalada na praza interior de Area Central.
Cada cliente que realice unha compra que supoña un gasto superior a 15 euros en calquera dos setenta establecementos de Area Central adheridos a esta promoción recibirá de mans do comerciante un folleto que lle da dereito a acudir á pista de xeo e beneficiarse dun desconto do 50 % na entrada xeral, que ten un custe xeral de 9,50 euros.
Na práctica, o cliente abonará 4,75 euros por patinar na pista de xeo durante 50 minutos, incluíndo o aluguer dos patíns. Esta promoción está limitada ata consumirse 1.000 entradas.