Para nós, en outubro non hai descanso, e é que logo de despedir o noso 29 aniversario xa estamos coa programación de novas actividades.
Gústache celebrar o Samaín? Pois atento, porque xa está aquí o Samaín de Área Central.
Concurso e exposición de cabazas
Dende o luns 24 ao sábado 29 de outubro comeza o noso concurso de cabazas da man de Vivo Eventos, con participación individual ou ben, en grupo. Decora a túa cabaza e entrégaa no seu local eses días en horario de mañá ou de tarde para poder expoñela no noso espazo. Consulta as bases aquí.
O luns 31 anunciaremos os gañadores e daremos un premio ás 3 mellores. Loita polos primeiros postos!
Photocall de Samaín
Este ano as fotos máis terroríficas serán en Área Central! Ven posar no noso photocall. Estará na esquina vermella dende o luns 24 de outubro.
Actividades para pasalo de medo
O venres 28 e o luns 31 haberá inchables de balde para os máis cativos en horario de 17:00h. a 20:00h,. E para completar a programación, o sábado 29, de 18.00 a 20.00 h. contaremos con actividades do máis pavorosas: cociña terrorífica, pintacaras e manualidades de arrepío. De novo, será na esquina vermella onde terán lugar esta serie de actividades!
Bule, merca a túa cabaza e pensa na maneira máis orixinal de decorala para gañar un dos tres primeiros premios. Fai as túas compras en Área Central e desfruta das nosas actividades, ímolo pasar de medo!
