Ven visitar a gran alfombra de elementos naturais de Área Central

En Área Central somos apaixonados de todas as expresións artísticas, por suposto, tamén se son efémeras. Por iso, desde o venres 14 de maio e durante 3 semanas como mínimo, o noso espazo comercial acollerá a exposición dunha gran alfombra de 120 metros cadrados realizada con elementos naturais pola Federación de Asociacións de Alfombristas de Galicia, baixo o título “Camiño de Esperanza”.

Para a elaboración deste traballo, realizado durante dúas xornadas completas polos membros de FEGAARTE coa axuda de todos aqueles clientes de Área Central e demais persoas que quixeron achegarse a colaborar, empregáronse diferentes materiais naturais como cunchas, pedras, flores secas, serraduras, labras, sementes, etc.

A partir da unión destes materiais confeccionouse a colaxe multicolor, que ten como título “Camiño de esperanza” facendo alusión ao Camiño de Santiago e ao momento esperanzados esperanza que estamos a vivir co aumento do ritmo na vacinación tras uns meses marcados pola pandemia. Este tipo de alfombras destacan polo seu colorido e a súa vistosidade, amais de polo traballo colectivo que se precisa para poder realizalas.

A alfombra estará colocada na esquina amarela de Área Central e poderase visitar durante as próximas tres semanas, ata a celebración do Corpus Christi, festa tradicional que terá lugar o 3 de xuño e á que está vinculada a elaboración destas obras de arte efémera ao longo de toda Galicia.

A Federación de Alfombristas de Galicia congrega no seu organismo a máis de 500 persoas afeccionadas a esta tradición e procedentes de diferentes concellos de Galicia, como da provincia da Coruña (Miño, As Pontes, Rianxo, Ames, Mazaricos), de Pontevedra (Pontevedra, A Estrada, Ponteareas, Bueu, Moaña, Cangas e Redondela) e da provincia de Lugo (Burela), e non quixo perder a oportunidade de expoñer o seu traballo en Área Centra, o centro de referencia para o ocio e as compras en Santiago de Compostela.

Ven facer as túas compras e aproveita a oportunidade para visitar o noso particular camiño da esperanza: estamos seguros de que non che deixará indiferente!