Área Central inicia a súa tempada de actividades este sábado 14 de setembro. O Outlet Área Central acolle durante todo o día o VI Torneo de xadrez Cidade de Santiago.
Este campionato forma parte do XVII Circuíto galego de Xadrez Promoción e está organizado pola Escola de xadrez Compostela. Conta coa colaboración da Federación Galega de Xadrez, o Concello de Santiago e os establecementos de Área Central Alcampo, Telepizza e Gasthof.
Preto de 200 participantes xogando ao xadrez
O Torneo de Xadrez Cidade de Santiago estase convertindo nun clásico no programa de actividades de Área Central. Este sábado 14 de setembro celébrase a sexta edición. Está previsto que participen preto de 200 inscritos. O torneo celebrarase mañá e tarde.
As bases de participación pódense cotexar neste enlace.
As inscricións realízanse a través das seguintes canles:
- torneos@xadrezcompostela.com.es
- 679 167 890
Plan de compras e de ocio
Como ves, ofrecémoste un plan do máis variado. Este sábado, no Outlet Área Central atoparaste con este torneo de xadrez, co inicio da tempada da nosa ludoteca e, o máis importante, a nosa oferta outlet e demais tendas para equiparte para este otono.
Tanto se ves a apoiar a algunha persoa inscrita no campionato de xadrez como se ves a realizar as túas compras mentres fas uso do servizo da nosa ludoteca deixando aos rapaces co noso monitorado, o plan perfecto de compras e ocio telo no Outlet Área Central.
