Open España de Breaking 1VS1 Santiago Street Battles, sábado 26 en Área Central

Open España de Breaking 1VS1 Santiago Street Battles, sábado 26 en Área Central

O sábado 26 de setembro entre as 11:00 e as 21:00 horas non fagas plans, xa que en Área Central temos o mellor. O noso escenario acolle “SANTIAGO STREET BATTLES”, Campionato Open España de Breaking na modalidade 1VS1, evento organizado pola asociación de cultura urbana Vella Escola e financiado pola Dirección Xeral de Xuventude da Xunta de Galicia. Nel daranse cita mozos e mozas de toda Galicia, de outros puntos da península, de Europa, do norte de África e de Sudamérica.

Este campionato aspira a converterse nun evento referente que ofreza a posibilidade de crecemento e proxección, nacional e internacional, do talento galego nesta disciplina que será olímpica dentro de 4 anos nos Xogos Olímpicos de París 2024. Para tal efecto, a competición será a primeira en ser puntuable para o ranking do circuíto nacional da Federación Española de Baile Deportivo onde está inscrita esta especialidade.

No campionato “Santiago Street Battles”  podes participar se tes entre 16 e 35 anos na categoría ABSOLUTA ou na categoría KIDS se tes menos de 16. Para facelo so tes que apuntarte en www.vellaescola.com/santiagoSB antes do 23 de setembro as 23:59 horas.

O día do campionato, de 11.00 a 14.00 horas celebrarase o campionato da categoría KIDS e xa pola tarde, de 16.00 a 20.30 horas, será o turno da categoría ABSOLUTA.

Non o penses máis e apunta esta cita connosco na túa axenda!

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies