Todas as nais son un agasallo e todas merecen un! Con motivo do Día da Nai, esta semana volvemos traer ó noso centro comercial en Santiago, Área Central, o panel de recompensas polas vosas compras “Mereces un premio!”. Unha actividade que xa se puxo en marcha polo Día do Pai. Nela premiaremos as compras dos nosos clientes feitas dende este xoves 4 ao sábado 6 de maio.
A dinámica é moi sinxela: achégate ao panel de premios que teremos instalado na esquina azul e amósanos un ou varios tickets que demostren unha compra superior a vinte euros realizadas neses tres días. Despois escolle unha bolsa e poderás conseguir un agasallo. Ademais, todos os clientes levarán un detalle por participar (ata esgotar existencias). O horario do panel será os tres días, de 11:00 a 14:00 e de 17:00 a 20:00 h.
Así celebramos o Día da Nai en Área Central: obsequiándovos con agasallos polas vosas compras. Consulta a dinámica da promoción AQUÍ.
Ademais, esta campaña polo Día da Nai de Área Central coincide coa celebración da festa do comercio local de Santiago “Prima 23”, que repartirá actividades moi variadas por diferentes ubicacións de Compostela, como música en directo, espectáculos, maxia, etc. Consulta toda a actualidade do Prima 23 para non perderte nada.
Xa sabedes, os días 4, 5 e 6 de maio, con motivo do Día da Nai agardámosvos no noso centro comercial en Santiago, Área Central para repartirvos moitos premios. Vémonos?