Xuño significa diversión, alegría e frescura e en Ludoarte son conscientes diso. Por iso, a nosa ludoteca ofrecerá en xuño catro sesións súper refrescantes. Queres gozar dalgunha delas antes do seu descanso estival? Contámosche as datas para que poidas traer ó teu peque a divertirse antes de que Rula e Ruliño se vaian de vacacións.
Catro sesións da ludoteca máis divertida
Ludoarte vaise de vacacións, pero antes traerán moita diversión ao noso centro comercial. Só quedan catro sesións para gozar da ludoteca máis divertida de Santiago. Queres tomar nota das súas datas? Os días 1, 8, 15 e 22 serán os sábados de xuño nos que o noso monitorado vos fará pasar unha tarde xenial aos máis peques.
Como sempre, as sesións de Ludoarte serán en horario de 18.00 a 20:00 horas, sendo dúas sesións dunha hora cada unha. Un tempo que os maiores poderedes aproveitar para descubrir os nosos outlets e o resto da nosa oferta comercial.😉
Se queres asegurar a praza do teu peque, lembra que na ludoteca de Área Central traballamos con reservas para poder ofrecer unha maior organización ás familias. Se finalmente non podes vir, lembra cancelala para que outros peques poidan gozar desa praza nas sesións de Ludoarte.
De igual maneira, se xa non quedan ocos para reservar unha das sesións da nosa ludoteca, convidámoste a vir ao noso centro comercial xa que temos unhas prazas sen reserva que poderedes ocupar. Sempre tentamos que ningún peque quede sen o seu anaco de diversión!
En xuño non faltará o entretemento en Área Central
Nós tamén temos ganas de verán e temos unha misión especial: divertir a todas as familias no noso centro comercial de Santiago! Para iso, ademais da ludoteca, non podes perderte a nosa programación de actividades do mes de xuño:
Do venres 7 ao domingo 9 de xuño. Terceira edición da Tattoo Expo Santiago.
22 de xuño, de 11:00 a 18:00 horas: Reunión de patchwork. Contacto: lorypatch@gmail.com/ 694460817
15 de xuño, ás 18:00 horas: Festival fin de curso baile galego Asociación de Veciños Monte do Gozo
22 de xuño, ás 18:00 horas: Festival fin de curso academia de baile Balancé
29 de xuño: Maker Faire Galicia.
Se non queres perderte nada, apúntate todas as datas que marcarán o mes de xuño no noso centro comercial. Ademais de gozar unha tarde entretida con todas as nosas actividades, en Área Central poderás pasar un perfecto día de compras grazas a todos os nosos locais, tanto o pequeno comercio como os establecementos outlet que cada día son máis. Aínda non visitaches os nosos novos locais? Pois apúntate visitar Scalpers Outlet, Zabba Outlet, O recuncho de Jan, Yistiling, Café Bar Tesouros, Panadería Cancela,…!
Dálle a benvida ao verán connosco divertíndoche co noso abanico de actividades e, por suposto, cos nosos outlets, establecementos de moda, agasallos, salóns de peiteado etc. Esperámoste!