O Centro Sociocultural das Fontiñas e Área Central celebrarán xuntos o Entroido por todo o alto cunha “festa rechamangueira”, unha ocasión na que os asistentes poderán lucir os seus disfraces máis rechamantes e desfrutar de actuacións en directo e unha chocolatada. Esta festa terá lugar en Area Central o venres 21, a partir das 19:00 horas.
Nesta festa verase o resultado do traballo realizado nos obradoiros de creación dos disfraces que se desenvolven estes días nas instalacións do centro sociocultural. Estes disfraces destacarán polas súas cores alegres e moi vistosas.
A “festa rechamangueira” comezará o venres 21 coa saída da V Comparsa de Fontiñas dende o centro sociocultural ás 18:30 horas, para dar una volta polo barrio, e chegar a Área Central sobre as 19:00 horas, hora na que se iniciará a festa.
Aberta a todo o público, esta festa contará cun espectáculo de maxia do mago Charly Braun para logo dar paso á música da discoteca móbil. O baile e a música estarán acompañados dunha chocolatada para os participantes nesta tarde de Entroido do barrio das Fontiñas.