Hohoho! O Nadal está á volta da esquina e en Área Central xa estamos listos para darlle a benvida! Este ano, no noso centro comercial en Santiago, volven as actividades festivas na época máis especial do ano para nós. Emociónate coa visita máis especial: Papa Noel en Área Central! ?
Ven coñecer a Papa Noel en Área Central!
Papá Noel chega a Área Central o venres 1 de decembro e está desexando coñecervos a todos! Dende ese día e ata o sábado 23, excepto o mércores 6 de decembro,estará no noso centro comercial en Santiago todas as tardes en horario de 17:30h a 20:30h.
O seu sillón estará situado na esquina vermella do noso centro comercial, onde poderedes achegarvos a coñecelo e deixar a vosa carta na caixa de correo para que Papa Noel poida levar todas as peticións dos nenos e nenas de Área Central ✉️. Así, poderá ter todos os agasallos preparados para repartir emoción e maxia na noite do 24 de decembro.
Da mesma maneira que os últimos anos, para falar con Papa Noel será preciso facer unha reserva para ter así unha mellor organización. As persoas que teñan reserva terán unha atención preferente, de acordo ao seu horario reservado. Se houbese ocos ou baixas de última hora, Papá Noel poderá atender aos peques que non tiñan cita.
Non agardes máis e fai a túa RESERVA AQUÍ para coñecer a Papá Noel. Explicámosche ben como facelo:
- Se é a primeira vez que entras na nosa páxina de reservas, debes rexistrarte e logo facer efectiva a túa cita.
- Se xa te rexistraches outros anos, só tes que entrar na túa conta para reservar.
- Cada reserva ten unha duración de cinco minutos.
Agradecemos que se fas unha reseva e finalmente non vas vir, a canceles para dar a oportunidade a outros cativos.
E por suposto, se tes calquera dúbida podes contactar connosco en marketing@areacentral.es para que poidamos axudarche. Ven emocionarte co Nadal de Área Central e coñece a Papá Noel! ?