Descobre as actividades coas que poderás gozar do Samaín de Área Central

Seguimos coas nosas novidades do mes de outubro e esta vez, xa non só con motivo do noso 28 aniversario senón que ademais, temos unhas actividades moi típicas da época na que estamos. A ti tamén che gusta celebrar o Samaín? Pois queda a ler isto un anaco e marabíllate coas actividades que temos estes días en Área Central.

Participa no noso concurso de cabazas

Dende o venres 22 ata o xoves 28 de outubro podes participar no noso concurso de cabazas. Ven a Área Central e entrega a túa cabaza no noso novo establecemento, Vivo Eventos, en horario de 11:00h a 14:00h e de 17:00h a 21:00h. Ten en conta que poderás concursar de xeito individual ou en grupo e consulta as nosas bases.

Convence aos teus amigos para participar e despois dunha tarde de manualidades, ¡trae a túa cabaza a loitar polo primeiro posto!

Posa no photocall de Samaín

Queres ter as mellores e máis terroríficas fotos desta festividade? Na esquina amarela de Área Central poderás lucirte posando, pois dende o mércores 27 estará instalado un photocall de Samaín coa decoración máis axeitada.

¡Ven fotografiarte cos teus amigos e non te esquezas de compartir as túas imaxes con nos!

Acude á exposición de cabazas

Dende o xoves 28 ata o martes 2 de novembro estarán expostas as cabazas participantes no noso concurso. Ademais, o último día anunciaremos aos gañadores nas redes sociais de Área Central. O primeiro posto, que será quen teña “A mellor cabaza” levará 100€ para gastar nos nosos establecementos comerciais.

E por suposto, os participantes tamén terán a posibilidade de ter premio, pois realizarase o sorteo dunha cesta de gominolas entre todos os donos das cabazas participes do concurso.

A que da ganas de concursar?

Leva ós cativos a gozar coas pintacaras terroríficas

Este venres 29 e o sábado 30, en horario de 18:00h a 20:00h os máis pequenos poderán lucir coas pintadas máis fermosas de Samaín, e tamén coas máis horripilantes. Pois na esquina amarela do noso centro haberá un pintacaras terrorífico que fará que a cativada vaia para as súas casas cun aspecto diferente e do máis simpático.

Seguimos co noso aniversario

E recorda, todas estas actividades coincidirán coas do noso 28 aniversario. Pois ata o luns 1 de novembro tamén segue habendo na zona azul videoxogos arcade. Este venres 29 haberá inchables e zona de xogos, de 18.00 a 20.00 h.; e o sábado, de novo inchables e unha nova sesión de Ludoarte, tamén de 18:00 a 20:00 h.

Se ves estes días mercar a Área Central, de paso que deixas a túa cabaza en Vivo Eventos, lembra que está activa unha nova edición de Os teus cartos valen máis. Cumprir anos nunca foi tan bo!

 

Aínda non compraches a túa cabaza? Pois bule, porque aínda estás a tempo de decorala e participar no noso concurso. Ven mercar a Área Central e desfruta de todas as nosas actividades. Agardámoste nunha das findes máis especiais do ano!