Celebra o Día do Pai coas actividades especiais que temos preparadas en Área Central

Celebra o Día do Pai coas actividades especiais que temos preparadas en Área Central

O 19 de marzo celébrase o Día do Pai, o momento do ano para transmitirlles a todos os papás o queridos que son e agradecerlles todo o que fan polos seus fillos. E como non podía ser doutro xeito, en Área Central temos preparadas diferentes promocións e actividades para que celebredes connosco esta data tan especial.  Tomade boa nota!

Merca o teu agasallo nas nosas tendas… e nós regalámosche outro!

Si, como escoitas! Se ves mercar o teu agasallo para papá ao noso centro comercial, por cada 20 euros de compra os días 17, 18 e 19 de marzo, entregarémosche un regalo moi especial: unha maceta con sementes para que pais e fillos poidan compartir xuntos o amor pola natureza. Para conseguila só tes que pasarte pola nosa cabina de información, situada entre a zona azul e a amarela, en horario de 17:00 a 20:00 horas, e presentar o teu ticket de compra. Non te despistes, porque a promoción só estará en funcionamento ata esgotar existencias! Se queres saber máis sobre esta promoción, podes consultar a dinámica aquí.

E por se isto non fora suficiente motivo para escoller mercar en Área Central, lembrámosche que no noso espazo atoparás todo o que imaxinas para facer ese agasallo especial: roupa, zapatos, complementos, tecnoloxía, perfumes, produtos gourmet…e tamén experiencias de ocio moi divertidas para facer en familia! Aquí podes consultar todas as opcións coas que contas en Área Central.

Cóntalle canto o queres nas nosas “árbores dos desexos”

Pero se ademais de con agasallos queres demostrarlle ao teu pai canto o queres dun xeito diferente, en Área Central dámosche unha alternativa ben especial: as nosas árbores dos desexos. Trátase dun espazo que habilitamos na nosa zona vermella, onde poderás plasmar unha frase bonita para o teu pai, e colgala dalgunha das nosas árbores. Así, conseguiremos un espazo cheo de simbolismo, que recollerá todo o agarimo e o agradecemento a todos os papás!

Vide a pasar un rato divertido xunto no noso stand de realidade virtual

E como fin de festa, que mellor que pasar un rato xuntos? Especialmente pensado para pais e fillos apaixonados pola tecnoloxía, pero tamén para os que queiran pasar un rato divertido e diferente; os días 17, 18 e 19 de marzo de 17:00 a 20:00 horas teremos en funcionamento un stand de realidade virtual de acceso totalmente gratuíto. Só tes que pasarte pola esquina verde co teu pai e moitas ganas de pasalo ben!

Gústanvos as nosas propostas? Se é así, non dubidedes: esperámosvos para celebrar xuntos o Día do Pai en Área Central!