Xa está de volta a tradicional campaña “Área Solidaria” no noso centro. Esta posta en macha, trátase de dúas accións que pretenden axudar ás persoas que máis o precisan nestas datas tan especiais. E para iso, Área Central inclúe na súa campaña dúas iniciativas: “Área Solidaria” e “O Nadal de Playmobil”, en favor da Cociña Económica de Santiago e do compostelano Albergue Juan XXIII, respectivamente.

Esta campaña xa é unha tradición no noso centro, e é que na baixada ó hipermercado haberá un caixón para que, os clientes que veñades facer as vosas compras ó noso pequeno comercio, poidades colaborar con esta iniciativa. Pois aí poderedes deixar distintos produtos que logo se destinarán á Cociña Económica de Santiago: conservas, aceite, salchichas, aceite, vinagre, froita en almíbar, lentellas, fabas e garavanzos, sal, manteiga e marmelada en monodose. Ou se prefires, produtos de aseo persoal: desodorizantes, cepillos de dentes e colonias.

Ademais disto, “O Nadal de Playmobil”, que forma parte do noso Soño de Nadal, tamén terá un fondo solidario. Pois ben, ó longo deste recorrido, que conta con máis de 10.000 figuras de playmobil, atoparaste cun buzón de donacións voluntario. Unha vez finalizada a exposición e xuntado o recadado, o 14 de xaneiro destinarase de forma íntegra ó Albergue Juan XXIII de Santiago de Compostela e á acción solidaria de Aesclick para a doazón de xoguetes.

 

Xa sabes, este ano colabora cas iniciativas solidarias do noso centro e axuda ás persoas que máis te precisan nestas datas. Aproveita tamén para achegarte ó noso pequeno comercio e así facer as túas compras de nadal mentres aportas o teu gran de area.