En Área Central ti tamén tes unha oportunidade! Este mes de novembro comeza a primeira edición do certame “Con moito talento!”. Esta nova iniciativa, posta en marcha dende o noso espazo comercial, ten como obxectivo dar a oportunidade a todas as persoas que consideran que teñen algunha destreza que amosar ao público.

A temática dos participante é totalmente libre, polo que teremos uns candidatos moi variados: persoas do ámbito da música, do baile, do humor, da maxia, do teatro, etc. Por suposto, o concurso contará con participantes de todas as idades e procedentes de diferentes puntos de Galicia. E é que o talento, non ten límites!

Durante os meses de setembro e outubro levouse a cabo unha convocatoria de concursantes para así, neste mes de novembro dar comezo. Será  este sábado día 5 o primeiro día que contaremos con este animado certame, e é que se celebrará a primeira semifinal. Celebrándose a segunda o sábado seguinte, día 12 deste mes. E o broche final será o 19 de novembro, cando de entre tódolos finalistas se escollerán os tres gañadores.

Durante eses tres días, os candidatos subiranse ao escenario de Área Central para amosar o seu talento e o que mellor saben facer. Por suposto, isto non é todo, e é que contaremos con Tania Veiras como presentadora deste certame e ca actuación do mago Nacho Samena. Un luxo para nós!

Animámosvos a todos a achegarvos ó noso espazo a desfrutar de música, baile e das grandes destrezas dos nosos participantes para pasar un bo anaco connosco. Aquí vos esperamos, coma sempre, en Área Central!