Área Central colabora de novo coa Escola de Xadrez Compostela nunhas xornadas abertas que amenizarán as tardes da vindeira semana

Área Central colabora de novo coa Escola de Xadrez Compostela nunhas xornadas abertas que amenizarán as tardes da vindeira semana

Se es unha persoa fanática dos deportes que requiren destreza mental, nas tardes da semana que vén tes unha cita en Área Central que non te podes perder. Pois ben, a Escola Xadrez Compostela xa está preparándose para o vindeiro curso, realizando, deste xeito, unha transición ao que antes coñeciamos como vida normal.

Para promocionar esta nova tempada, Área Central acollerá dende o luns 23 ata o venres 27 de agosto en horario de 18:00 h. a 20:30 horas certas actividades da man da Escola Xadrez Compostela, e sobre todo, do Maestro Internacional Diego Espiñeira. Este profesional leva máis de 20 anos na disciplina e ao longo dos cales, foi acadando logros ao converterse varias veces en campión galego.

Trátase dunha proposta que marcará as derradeiras tardes de agosto cunha oferta lúdico- educativa diferente. Área Central acollerá a todas as persoas interesadas que queiran achegarse a disputar partidas simultáneas ou a coñecer o clube para anotarse de cara á próxima tempada.

Que che parece este plan para despedir o mes?

O xadrez, un deporte de estímulos

O xadrez consiste nunha actividade apaixonante e que aporta milleiros de beneficios. Entre eles, cómpre salientar a estimulación da capacidade de análise, o fomento da creatividade e da imaxinación, ou o desenvolvemento da memoria, prevendo así certas enfermidades relacionadas ca mesma. Ademais, mellora o estado de ánimo e axuda ás crianzas na toma de decisións e control emocional.

Trátase dun deporte- ciencia, que, igual ca moitos outros, se basea na estratexia. Por iso, a Escola de Xadrez Compostela leva anos desenvolvendo un gran traballo na difusión desta disciplina, que fomenta tantos estímulos.

Se che apaixona esta actividade ou che apetece ver a un mestre coma Diego Espiñeira en acción, non te esquezas pasarte a vindeira semana polo noso centro. Gozarás dunha experiencia única en apoio á pre-tempada da escola.

Convidámoste a pasalo ben na recta final do verán en Área Central!

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies