Saltar ao contido

Área Central

Feira de minerais de Santiago, do 2 ao 5 de marzo

  • Eventos

Volve un dos eventos clásicos de Área Central! A Feira de Minerais de Santiago chega a súa novena edición o xoves 2, venres 3, sábado 4 e domingo 5 de marzo. Durante estes catro días, de 10:00 a 21:00 horas, unha trintena de expositores e máis de 150 metros de feira comercial lucirán unha ampla variedade de minerais, fósiles e pezas de xoiería procedentes de diferentes puntos do mundo.

Ámbar do Báltico, jade de China, azabache de Xeorxia, fósiles de Estados Unidos…. Isto e moito máis é o que poderás admirar na 9ª Feira de minerais de Santiago que, un ano máis, consolídase como a feira desta temática máis importante de Galicia e Portugal.

A organización da Feira de Minerais conta coa colaboración do Concello de Santiago, da Escola de Enxeñaría de Minas e Enerxía de Vigo e do Grupo Mineralóxico e Xeolóxico Galego. Estas dúas entidades encargaranse dos obradoiros e das charlas que se celebrarán paralelamente á feira o xoves e venres e dirixidos aos máis de dez centros educativos que virán de toda Galicia a esta feira, destacando así o seu alto valor didáctico. Para o público xeneralista, o xoves 2 haberá un obradoiro de bateo de ouro ás 17:00 horas.

Xa sabes, anota a nosa cita porque, un ano máis, non podes perderte a nosa Feira de Mineirais. Agardámoste do xoves 2 ao domingo 5 de marzo. Contamos contigo?